Shefi i Zyrës civile ndërkombëtarë në Kosovë Peter Faith gjatë qëndrimit të enjten, në Mitrovicë vizitoi OJQ-në CBM.

Drejtoresha e kësaj organizate, Valdete Idrizi, e njoftoi me aktivitetet që zhvillon dhe idetë për të ardhmen si dhe e përgëzoi për korrektësinë dhe kritizimin pozitiv ndaj institucioneve të Kosovës, kritikë kjo e cila iu jep mundësi këtyre institucioneve të përmirësojnë punën e tyre. Ajo theksoi se mënyra e vetme që të zhvillohet një shoqëri e bazuar në vlera demokratike është bashkpunimi i ndërsjellë.

Z. Idrizi theksoi se bazë për bashkpunim dhe integrim në Mitrovicë ka, si dhe zëra të njëjtë të cilët vijnë nga të dy anët e qytetit, por si parakusht për normalizimin dhe qetësinë për jetesë është rendi dhe qetësia, sidomos në veri. "Shpresojmë se EULEX-i do të jetë më prezent në veri dhe se në një të afërme do të ketë veprime konkrete e që janë shumë të pritura nga të gjithë qytetarët e Mitrovicës", tha ajo.

Sipas saj, jo të gjitha incidentet kohët e fundit janë të motivuara etnikisht, dhe në këtë konest, të gjithë ata që nuk e respektojnë ligjin nuk ia duan të mirën Kosovës dhe qytetarëve të saj, duhet të përballen me përgjegjësi para organeve të drejtësisë, veprime të cilat priten nga  EULEX-i.

Z. Feith, dëgjoi project kordinatorët e të dy etniteteve, Sërbë dhe Shqiptarë, lidhur me punën dhe aktivitetet e tyre.

Ai nuk hezitoi të shprehë admirimin që ka për këtë organizatë, njiherit duke shprehur mirënjohje për punën e Z. Idrizi duke vënë theksin në njohjen ndërkombëtare e cila iu bë asaj sic deklaroi ai "nga miqtë tanë Amerikan". Ai shprehu përkrahje maksimale për CBM-in si dhe organizata tjera që promovojnë paqe dhe dialog ndëretnik.