CBM-i dhe partnerët organizojnë Aktivist Lab Mitrovica

Community Building Mitrovica në bashkëpunim me organizatat partnere nga Holanda PAX dhe Butterlfy Works  organizuan Lab-in e aktivistëve Mitrovica. Për katër dite, nga 1 – 4 Prill aktivistë nga Veriu dhe Jugu i Mitrovicës nën mbështetjen e ekipit organizativ i bashkuan forcat dhe punuan në krijimin e ideve kreative dhe kampanjave publike sensibilizuese me fokus kryesor zhvillimin urban të zonës së Urës  dhe brigjeve të lumit Ibër. Pjesë e këtij Lab-i  ishin dhe Jens Aerts, ekspert i Planifkimit dhe Zhvillimit Urban, Rami Maksoud, pjesëmarrës në Aktivist Lab Beirut, Liban.

Në ditën e katërt të Lab-it, aktivistët kishin rastin që t’i prezantojnë rezultatet e punës së tyre në  ekspozitën e hapur që u organizua si event  përmbyllës në hapësirat e Kolegjit Ndërkombëtar të Biznesit Mitrovica(dega - Veri),  dhe që si temë  kishte zhvillimin urban të zones së Urës së Ibrit dhe përfshirjen publike në këtë proces. Ky event u emetua drejtpërdrejtë në YouTube. Në linkun vijues, mund të gjeni rezultatet nga foto-shëtitja e realizuar tek zona e Urës së Ibrit:  https://nl.pinterest.com/activisthive/activist-lab-mitrovica-urban-development-public-en/