Studiues të rinjë të Paqes dhe Konfliktit nga Gjermania vizituan CBM-in

Community Building Mitrovica priti në vizitë rreth 20 studentë nga Universiteti i Philipps – Marburg, të drejtimit mbi Paqen dhe Konfliktin nga Gjermania.

Ky grup i studentëve po qëndron për vizitë studimore në Kosovë.Pas takimeve me institucione të ndryshme si : Ambasadën Gjermane dhe GIZ-in në Prishtinë , studentët ishin veçanërisht të interesuar që të mësojnë më shumë pë punën e OJQ-ve lokale në Kosovë.

Vizita  e tyre në Mitrovicë dhe CBM  ju dha mundësinë që të përjetojnë punën e një organizate të shoqërisë civile në  një  qytet që karakterizohet nga situata e paqëndrueshme politike. Me këtë rast ky grup i studentëve nga Gjermania kishte rastin që të mësojë më shumë rreth qytetit të Mitrovicës dhe punës së CBM-it  si një organizatë e mirënjohur multietnike dhe projektet që janë duke u implementuar për momentin.

Pas një shëtitje në qytet dhe një darke të këndshme, studentët u larguan nga Mitrovica me shumë përshtypje të mira.