Studentët e Universitetit të Hong Kong-ut të interesuar në punën e CBM-it

Community Building sot Mitrovica priti një grup studentësh nga dega e  Universiteti së Hong Kong-ut (WUSHKUB) që është pjesë e Shërbimit Botëror Universitar (WUS), një OJQ ndërkombëtare e pranishme   në mbi 40 vende, me më shumë se pesëdhjetë degë në të gjithë botën. Shërbimi Botëror Universitar ka qëllim promovimin e paqes dhe dhënien e kontributit për zhvillimin e botës.

Arsyeja e kësaj vizite ishte për të marrë më shumë informacion në lidhje me situatën politike dhe sociale dhe për punën e CBM në një qytet të ndarë siç është Mitrovica. Drejtoresha e Community Building Mitrovica Afërdita Sylaj prezantoi punën, sfidat kryesore me të cilat CBM  ështe ballafaquar që nga krijimi e deri më tash dhe projektet që janë duke u implementuar. Studentët gjithashtu prezantuan degën  e tyre universitare  dhe dhanë një paraqitje të shkurtër të drejtave të pakicave dhe  grave në Hong Kong. Gjatë këtij takimi u soll në vëmendje ngjashmëria e këtyre dy organizatave respektive CBM dhe WUS në disa nga objektivat e tyre të cilat janë: të drejtat e njeriut dhe mundësi të barabarta.