CBM dhe partnerët organizojnë vizitë studimore në Nish, Serbi

Community Building Mitrovica dhe partnerët organizuan vizitën e fundit studimore të kuadër të projektit “Promovimi i punësimit të të rinjve përmes partneritetit dhe bashkëpunimit’’. Tema e kësaj vizite, të VI-të me rradhë ishte “Mundësitë dhe sfidat e partneritetit publiko - privat” dhe u mbajt në Nish, Serbi.

Grupi i pjesëmarrësve ishte i përbërë nga përfaqësues të institucioneve lokale, shoqërisë civile dhe sektorit të biznesit. Për tre ditë në kuadër të takimeve dhe diskutimeve të ndryshme, grupi vizitoi Inkubatorin Deli, Davidova - 2, kompaninë “Frame” dhe ndoqi prezantimin e biznesit të ndërmarrjes “Tami Trade”.

Vizita studimore u ofroi mundësinë pjesëmarrësve të njhen me sfidat e partneritetit publiko-privat dhe të mësojnë më shumë lidhur me praktikat e mira në këtë drejtim.

Projekti ka për synim ndërtimin e lidhjeve ndërmjet bashkësive lokale, sektorit të biznesit si dhe organizatave të shoqërisë civile nga 6 qytetet/komunat: Nish, Vranje, Leskovac, Mitrovicë, Pejë dhe Prizren, për zgjidhjen e problemit të punësimit përmes shkëmbimit të ideve të reja kreative si dhe praktikave më të mira, si dhe përmes shfrytëzimit të dialogut shoqëror dhe mekanizmave të bashkëpunimit në nivel lokal.