CBM vazhdon të mbështesë organizatat e shoqërisë civile

Mitrovicë 19.08.2016: Organizatat e Shoqërisë Civile kanë një rol të rëndësishëm dhe përgjegjësi në zhvillimin e shoqërisë. Prandaj, më shumë duhet të bëhet për të forcuar këtë sektor në nivele të ndryshme.

Në këtë drejtim Community Building Mitrovica në mënyrë modeste vazhdon të mbështesë OSHC-të në rajonin e Mitrovicës. Pasiqë më parë CBM kishte dhuruar 5 kompjuterë për 4 OJQ-ë që operojnë në Jug dhe Veri të Mitrovicës, përfitues tjetër i dy sete-ve të pajisjeve kompjuterike ishte OJQ e sapoformuar ''Iniciativa Qytetare - Skenderaj ". Përfaqësuesit e kësaj OJQ-je shprehën vlerësimin e tyre për CBM-in pasi ky donacion do të përdoret për të operuar/vë në funksion zyrën dhe për të ngritur kapacitetet e kësaj organizate.

Si pjesë e objektivave të saj Community Building Mitrovica synon të zgjerojë dhe të intensifikojë bashkëpunimin me OJQ-të dhe të punojë në drejtim të forcimit të shoqërisë civile.