Urime Dita ndërkombëtare e vullnetarëve!

Community Building Mitrovica dhe Caritas Kosova organizuan panairin për vullnetarë në mënyrë që të shënojnë 5 dhjetorin – Ditën ndërkombëtare të vullnetarëve – si dhe të festojnë kontributin e vullnetarëve për komunitetin. Tetëmbëdhjetë organizata nga Mitrovica morën pjesë në panair, së bashku me më shumë se gjashtëdhjetë vullnetarë. Nënkryetari i Komunës së Mitrovicës së Jugut, Faruk Mujka, në fjalën e tij të rastit tha se është shumë i kënaqur që sheh kaq shumë të rinjë dhe përfaqësues nga shumë organizata të përfshirë në vullnetarizëm dhe shërbime ndaj komunitetit.

Vizitorët e panairit patën mundësinë që të takohen me organizatat veç e veç si dhe me vullnetarët e tyre duke mësuar kështu më shumë për aktivitetet dhe mundësitë për angazhimin e vullnetarëve. Panairi poashtu përfshiu punëtoritë kreative dhe programin argëtues.

Dëshirojmë që të falënderojmë të gjithë vullnetarët e Mitrovicës për shërbimin e tyre si dhe kontributin në drejtim të ndërtimit të paqes dhe zhvillimit të qëndrueshëm të komunitetit.

LidhjetTë rinjtëKultura