KOMUNIKATË NJOFTUESE: CBM DO TË ORGANIZOJË PANAIR PËR GRATË NË BIZNES

Me datë 22 nëntor, 2016 -  Community Building Mitrovica do organizoj panair  për gratë në biznes në kuadër të projektit ‘’Mjedisi mbështetës për gratë fillestare në biznes në Veri dhe Jug të Mitrovicës”. CBM ka filluar implementimin e këtij projekti 2 vite më parë, dhe mbështetet nga Zyra e Bashkimit Europian në Kosovë, Fondacioni MOTT dhe Komuna e Mitrovicës së Jugut.

Qëllimi i projektit është të kontribuoj në përmirësimin dhe ngritjen e qëndrueshme të situatës ekonomike dhe sociale në Veri dhe Jug të Mitrovicës, përmes përfshirjes së grave në zhvillimin e sektorit privat.

Ne kuadër të këtij projekti është krijuar rrjetëzimi i grave sipërmarrëse; janë ofruar trajnime edhe janë ngritur kapacitetet e 100 grave sipërmarrëse dhe fillestare në biznes; janë ndarë 33 grante në vlerë prej më se 112,000.00 Eur, së paku 20 gra pjesë e këtij projekti janë vetëpunësuar në bazë te kësaj mbështetje, derisa është ofruar konsulencë dhe mentorim nga ekspertë të biznesit për gratë pjesëmarrëse në këtë projekt.

Në këtë fazë Community Buliding Mitrovica është në përgatitje të implementimit të aktivitetit të ardhshëm:

1. Panairit ‘’Gratë në biznes – Mitrovica, 2016’’ – ku 50 gra pjesë e projektit: ndër to 33 përfituese të granteve dhe 17 gra pjesëmarrëse në projekt, do të kenë mundësinë që me 22 nëntor (e martë) 2016, nga ora 10:00 në sheshin e qytetit (Isa Boletini), Mitrovicë të promovojnë bizneset e tyre (shërbime/prodhime) rrjedhimisht rezultatet e projektit. Në këtë panair do jenë të pranishëm përfaqësues të institucioneve lokale dhe qendrore, donatorë, përfaqësues të organizatave ndërkombëtare dhe vendore, media, etj.

GruajaMediatGratë në biznes