Me projektin ‘’Our matters’’ aktivitetet vazhdojnë

Organizata joqeveritare ‘’Qendra për zhvillimin e Gruas’’ në kuadër të projektit ‘’Our matters’’ që implementohet nga Community Building Mitrovica, organizoi aksion vetëdijsues me 20 vullnetarë të Ojq ’YEC Synergy’’ në sheshin kryesor të Veriut të Mitrovicës.

Qëllimi i këtij aksioni  ishte që t’i kontriboj kauzës së barazisë gjinore dhe përmirësimit të pozitës së gruas të të gjitha komuniteteve që jetojnë në Veriun e Mitrovicës, dhe poashtu të ngrisë ndërgjegjësimin e shoqërisë  mbi këtë çështje. Gjatë këtij aktiviteti vullnetarët bënë grafite me motive të barazisë gjinore dhe shpërndanë material promovues (400 fletëpalosje dhe 100 posterë). Me këtë rast u ftuan qytetarët që të marrin pjesë në  debatet e hapura publike që do organizohen mbi këtë temë. Në kuadër të këtij organizimi banorët e Veriut të Mitrovicës paten mundësinë që të shprehin opinionet e tyre lidhur me barazinë gjinore duke plotësuar 200 pyetësorët që ishin në dispozicion.

‘’Our matters’’ implementohet nga Community Building Mitrovica, dhe mbështetet nga PAX for PEACE.